Бастауыш сыныптар арасында «Күз ханшайымы мен Күз ханзадасы» байқауы өтті!

16.10.2026

Бастауыш сыныптар арасында «Күз ханшайымы мен Күз ханзадасы» байқауы өтті! 🍁

🌟 Мектебімізде 1 «Б», 2 «Б» және 3 «Б» сыныптарынан үш жұп қатысқан жарқын әрі қызықты күзгі байқау өтті.

Байқау үш кезеңнен тұрды:

👑 1. Сән көрсету — күзгі әсем киім үлгілерін таныстыру.

🎤 2. Таныстыру — қатысушылардың өзін таныстырып, даралығы мен сахналық шеберлігін көрсетуі.

🎨 3. Шығармашылық кезең — балалардың ата-аналарымен бірге қиялы мен шығармашылық қабілеттерін ұштастыра отырып жасаған күзгі қолөнер бұйымдарын таныстыруы.

Әділқазылар алқасы әр кезеңде қатысушылардың өнерін бағалады. Көрермендерге де көңілді ойындар ұйымдастырылып, қызықты жұмбақтар жасырылды. Бұл шараның көркін қыздырып, жиналғандардың барлығына көтеріңкі көңіл күй сыйлады! 🎉

🏆 Байқау қорытындысы бойынша орындар төмендегідей бөлінді:

🥇 І орын — 1 «Б» сынып оқушылары.

🥈 ІІ орын — 3 «Б» сынып оқушылары.

🥉 ІІІ орын — 2 «Б» сынып оқушылары.

👏 Байқау жылы, достыққа толы мерекелік атмосферада өтті. Барлық қатысушылар өз таланттарын, сахналық шеберліктері мен шығармашылық қабілеттерін көрсетті.

💐 Жеңімпаздарды құттықтаймыз! Барлық қатысушыларға, ата-аналар мен ұйымдастырушыларға белсенділігі, қолдауы және тамаша күзгі көңіл күй сыйлағаны үшін алғыс білдіреміз!